Charter Document - 02220385
| Charter Number: | 02220385 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1280 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 21 - Tome 1 (p.884) |
Charter:
Ego Willermus de Vilerferlay domicellus notum facio universis quod ego sciens et spontaneus non vi dolo metu precibusve inductus pro meis urgentibus negociis expediendis et agendis vendidi vendo et vendicionis nomine trado vel quasi et concedo im perpetuum et irrevocabiliter nobili domicello Johanni de Cabilone domino de Arlato et suis vel cui concesserit homines meos quos habebam et tenebam franquos quittos et conductos a meo proprio allodio in villa d'Esternoth videlicet Vienetum et dictum Pudriet fratres d'Esternoth cum mansis et rebus eorum omnibus et cum omni jure dominio servicio usagio actione et ratione michi ex hiis pertinentibus necnon et quicquid juris habeo seu habere debeo in bonis et rebus dictorum hominum tam mobilibus quam immobilibus campis pratis nemoribus pascuis aquis justiciis serviciis casalibus ortis domibus canaberiis et rebus aliis quibuscumque qui predicti homines taillabiles et expletabiles sunt omni modo prout consuetudo in talibus extiterit actenus reservata vendidi inquam pro quadraginta solidis stephaniensium michi a dicto emptore nomine precii solutis in pecunia numerata et de hiis me voco et teneo plenarie pro soluto In cujus rei testimonium sigillum discretorum virorum venerabilis capituli ecclesie Sancti Anatholii Salinensis presentibus litteris rogavi et feci apponi Datum Salinis V kalendas maii anno Domini millesimo ducentesimo octogesimo