Charter Document - 02220380
| Charter Number: | 02220380 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1277 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p.872) |
Charter:
Ego Johannes de Vaudreyo domicellus notum facio universis quod ego non deceptus non coactus non aliqua machinatione circonventus non vi dolo metu seu precibus inductus sed spontaneus pro meis negociis utiliter expediendis et agendis vendo trado quitto et nomine et titulo pure et perfecte venditionis concedo vel quasi im perpetuum et irrevocabiliter nobili viro Johanni Cabilonensi domino de Allato et suis heredibus et successoribus quicquid habeo possideo habere possum et debeo in villis de Sarraz de Deserviler d'Amancey de Mellant et de Refranche in finagiis et territoriis earundem tam in hominibus quam in nemoribus pratis campis ortis censibus domibus pascuis aquis dominiis et justicia et rebus aliis quibuscumque et ubicumque existentibus a villa Salinensi usque ad villam d'Ornens a parte superiori et usque ad villam de Regne a parte inferiori citra fluvium de Lue prout dictus fluvius se extendit vendidi inquam pro quadraginta libris stephaniensium quas habui et recepi a dicto Johanne in bona et legali pecunia numerata de qua habeo me plenarie pro pagato In cujus rei testimonium sigillum ecclesie Sancti Anatholii Salinensis presentibus litteris rogavi et feci apponi Datum anno Domini M ducentesimo septuagesimo septimo mense mayo