Charter Document - 02220377
| Charter Number: | 02220377 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1282 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 21 - Tome 1 (p.863) |
Charter:
Ego Warnerius dictus Chapuset de Levier notum facio universis quod ego non deceptus non coactus [non] vi dolo metu seu precibus inductus sed spontaneus pro meis negociis utiliter expediendis et agendis et debitis meis persolvendis vendidi vendo trado cedo quitto et concedo im perpetuum et irrevocabiliter nobili viro Johanni de Cabilone domino de Arlato et suis heredibus vel cui concesserit quoddam pratum quinque septurarum situm in territorio seu finagio de Levier juxta pratum emptoris ex una parte et ex altera parte juxta pratum Petri filii Emeline et quatuor jugera terre arrabilis sita in predicto territorio seu finagio de Levier in loco qui dicitur Plaine juxta terram predicti emptoris ex una parte et ex altera parte juxta terram Richardi filii Aloye et sciendum est quod predictum pratum situm est in loco qui dicitur Malessart et insuper omne jus et omnem actionem quod et quam habeo habere possum et debeo quoquo modo in predictis locis vendidi inquam pro sex libris bonorum et expendibilium stephaniensium quas habui et recepi a predicto nobili viro Johanne tempore hujus vendicionis nomine precii in pecunia numerata et de hiis teneo me plenarie pro pagato In cujus rei testimonium ego Warnerius dictus Chapuset sigillum venerabilis capituli Sancti Anatholii Salinensis presentibus litteris rogavi et feci apponi Actum XV kalendas maii anno Domini MCC octogesimo secundo