Charter Document - 02220376
| Charter Number: | 02220376 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1270 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 21 - Tome 1 (p.860) |
Charter:
Ego Girardus dictus Chapuset de Livier notum facio universis quod ego non deceptus non coactus non aliqua machinatione circonventus non vi non dolo non metu seu precibus inductus sed spontaneus pro meis necessitatibus utiliter expediendis et agendis vendidi vendo trado cedo quitto et concedo im perpetuum et irrevocabiliter nobili domino Johanni de Cabilone domino de Arlato et suis heredibus seu successoribus aut cui concedere voluerit tres pecias prati scriptas inferius videlicet pratum des Arces supra Valfaramain item pratum dictum de Perretia contiguum prato Walcheri dicti Guant et pratum dictum de la Mortuel de Malessart contiguum ex una parte prato Singuyni Afarvel et ex altera prato dicti Kamelin vendidi inquam pro quatuordecim libris stephaniensium bonorum et legalium quas habui et recepi a dicto Johanne nomine precii in pecunia numerata de qua me teneo plenarie pro pagato In cujus rei testimonium sigillum venerabilis capituli ecclesie Sancti Anatholii Salinensis presentibus litteris rogavi et feci apponi Datum anno Domini M ducentesimo septuagesimo XVI kalendas augusti