Charter Document - 02220375
| Charter Number: | 02220375 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1277 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 21 - Tome 1 (p.856) |
Charter:
Ego Valcherius domicellus quondam filius domini Walcherii dicti Put de Levier militis notum facimus universis quod ego non deceptus non coactus [non] vi dolo metu seu precibus inductus sed spontaneus pro meis negociis utiliter expediendis et agendis vendidi vendo trado cedo quitto et concedo im perpetuum et irrevocabiliter nobili viro Johanni de Cabilone domino de Allato et suis heredibus vel cui concesserit medietatem pro indiviso cujusdam furni cum fundo apud Levier qui furnus vulgariter dicitur furnus de la Fontaine contiguus fonti de Levier quam medietatem dicti furni tenebam in feodo a dicto nobili viro Johanne vendidi inquam pro septem libris et quindecim solidis bonorum et expendibilium stephaniensium quas habui et recepi a dicto nobili viro emptore tempore hujus vendicionis nomine precii in pecunia numerata et de hiis teneo me plenarie pro pagato In cujus rei testimonium ego dictus Vualcherus domicellus sigillum viri religiosi et honesti Baduini abbatis Golie ordinis sancti Augustini Bisuntine diocesis presentibus litteris rogavi et feci apponi Actum VI nonas julii anno Domini MCC septuagesimo septimo