Charter Document - 02220372
| Charter Number: | 02220372 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | French |
| Charter Origin: | Lay |
| Charter Type(s): | Purchase |
| Date: | 1275 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p850) |
Charter:
Je Estevenins diz Put de Levier çay en arriers fiz mons Hugon chevalier de cel maisme leu fais savoir à touz que je ay vendu quitté et outroié permaignablement pour moy et pour les miens à la noble dame Lore fame çay en arriers le noble baron Jehan conte de Bourgoigne et signour de Salins un prel assis ou terretoire de Levier ou sentier d'Usies liquex prel est appelez li prez Girardet c'est à savoir pour six livres d'estevenens lesquex six livres je ay heu et receu de la devantdite dame en bons deniers nombrez et ay promis par ma foy doné corporelment garantir ledit prel à ladite dame et es suens contre toutes genz En tesmoignaige de laquel chose je lidiz Estevenins ay fait metre en ces presentes lettres le seal de religious home Girart priour de Meges L'an Nostre Signour qui corroit par mil dous cenz septante et cinc ou mois de juinc