Charter Document - 02220371

Nos Hugo domicellus quondam filius domini Walcherii dicti Put militis de Levier et Guillermeta ejus uxor quondam filia domini Petri de Chantrens militis notum facimus quod nos non decepti non circonventi non vi dolo metu seu precibus inducti sed spontanei pro nostris negociis utiliter expediendis et agendis vendidimus et vendimus tradimus cedimus quittamus et concedimus im perpetuum et irrevocabiliter domine Lore relicte nobilis viri Johannis quondam comitis Cabilonensis et domini Salinensis et suis heredibus vel cui concesserit sexdecim jugera terre arabilis sita in territorio seu finagio de Livier quorum duo sita sunt in loco qui dicitur Combes juxta terram Petri dicti Chapuset item unum juger situm in loco qui dicitur Contour juxta campum dictum de Braies a superiori parte item duo jugera sita in loco qui dicitur Plaigne juxta pratum domini Petri militis de Fertens item subtus locum qui dicitur Gravelete quatuor jugera juxta campum liberorum dicti Cuvier item duo jugera sita a la Velpeliere juxta campum Gerardi Clerici de Livier item in campo de la Cuedra unum juger et dimidium juxta campum liberorum dicti Gradel ab inferiori parte item in campis des Plaignet duo jugera et medietatem unius jugeris a superiori parte juxta terram domine Beatricis relicte domini Richardi dicti Put militis de Livier item unum juger situm juxta viam que ducit apud Vyns ex una parte et ex altera parte juxta campum dicti Valet item pratum quoddam duarum septurarum situm in dicto territorio de Livier juxta viam que ducit apud Usyes et pratum Guidonis domini vicarii de Levier item quoddam pratum trium septurarum situm in dicto territorio de Levier in prato domini Bernardi juxta pratum dicti Restelier item unam eminam frumenti censualem sitam supra mansum es Ailleriz in nativitate Domini Jesu Christi annuatim persolvendam item duos solidos censuales quorum duodecim denarii siti sunt super domum Stephani dicti Put domicelli de Livier et alii duodecim denarii siti sunt super casale dictum dou Motoy in die ramis Palmarum annuatim persolvendos vendidimus inquam pro duodecim libris bonorum et expendibilium stephaniensium quas habuimus et recepimus a dicta domina Lora emptrice tempore hujus vendicionis nomine precii in pecunia numerata et de hiis tenemus nos plenarie pro pagatis Et sciendum est quod predicta omnia et singula a nobis Hugone et Guillermeta vendita predicte domine Lore sunt de feodo ipsius domine Lore superius nominate In cujus rei testimonium nos predicti venditores Hugo et Guillermeta sigillum venerabilis capituli ecclesie Sancti Michaelis Salinensis presentibus litteris rogevimus et fecimus apponi Actum VI kalendas aprilis anno Domini millesimo CC septuagesimo quarto