Charter Document - 02220367
| Charter Number: | 02220367 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1260 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 21 - Tome 1 (p831) |
Charter:
Universis presentes litteras inspecturis frater Yvo miseratione divina Clugniacensis ecclesie minister humilis ac ejusdem loci conventus salutem in Domino Jesu Cristo Noveritis quod cum illustris vir Johannes comes Burgundie et dominus Salinensis ad sui munitionem castrum firmaverit in monte qui vulgariter appellatur Mons Majorum et nos ibi partem in monte et alios redditus plures contiguos haberemus scilicet in villis de Nan et de Faya ad domum nostram Monasterii de Alta Petra pertinentibus nos ad requisitionem dicti comitis quicquid juris vel actionis habebamus vel habere poteramus in predictis locis retentis nobis et predicte domui nostre de Alta Petra spiritualibus et annexis eisdem spiritualibus cedimus concedimus et quittamus comiti supra dicto et omnibus suis heredibus et successoribus in futurum Idem vero comes in recompensacionem predictorum nobis et domui nostre Monasterii de Alta Petra predicta refudit ducentas libras stephaniensium in utilitatem ejusdem domus de Alta Petra et ad acquisitionem reddituum ad domum ipsam spectandorum totaliter convertendas Hec autem facta fuerunt in nostro Clugniacensi capitulo generali de assensu venerabilium et karissimorum fratrum nostrorum Figiacensis et Mauzacensis abbatum Karitacensis et Marcigniacensis priorum diffinitorum ipsius capituli generalis In cujus rei testimonium presentibus litteris sigilla nostra duximus apponenda Datum anno Domini M ducentesimo sexagesimo die jovis ante festum apostolorum Philippi et Jacobi