Charter Document - 02220347
| Charter Number: | 02220347 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1265 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p783) |
Charter:
Ego Guydo miles filius quondam domini Petri dicti Blanc de Meges notum facio universis presentes litteras inspecturis quod cum ego cesserim et concesserim nobili domine mee Lore comitisse Burgundie domine Salinensi messeriam de valle de Meges prout in littera inde confecta sub sigillo curie Bisuntine plenius continetur ego promitto bona fide domino Odoni militi castellano de Monte Majori pro dicta domina comitissa sollempniter stipulanti me redditurum eidem domine vel ejus mandato litteras super predicta messeria michi datas et concessas a nobilibus Jocerando domino Branceduni et M ejus uxore quondam filia domini Galcherii de Salino confectas sub sigillo ipsius Jocerandi postquam ab instanti quindena assumptionis beate Marie virginis in antea ab ipsa domina comitissa vel ejus mandato super hec fuero requisitus vel requisita fuerit ipsa littera reddi ad domum meam de Noseroy ita tamen quod in redditione prefate littere presentes littere debeant michi reddi et si sepe dicta littera reddita eidem domine vel ejus mandato non fuerit ut dictum est et per me postmodum appareat vel pro me introducatur cassa sit penitus et inanis et sub sigillo autentico eidem domino faciam litteram confessoriam quod littera sepe dicta nullius sit efficacie et valoris In cujus rei testimonium sigillum venerabilis viri R de Voitour prepositi Sancti Anatholii Salinensis presentibus feci apponi Datum Salinis VIII idus maii anno Domini MCC sexagesimo quinto