Charter Document - 02220346
| Charter Number: | 02220346 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1261 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 21 - Tome 1 (p781) |
Charter:
Ego Guido de Meges miles notum facio universis presentes litteras inspecturis quod ego remisi nobili viro Johanni comiti Burgundie et domino Salinensi et heredibus suis quicquid juris habebam et habere seu reclamare poteram in molendino sito subtus castrum de Noseroy tam in situ dicti molendini quam in versu aque item quicquid juris habebam in stanno de Meges Item remisi et quittavi dicto nobili et ejusdem heredibus pactum factum de non agendo tam pro me quam pro heredibus meis super promissione ab ipso mihi facta de quodam feodo mihi ab ipso constituendo Remisi etiam et quittavi dicto Johanni viginti quinque libras stephaniensum quas mihi debebat pro qua summa pecunie Hugo dictus dou Molinet castellanus quondam de Chalemont in manu mea erat fidejussor obligatus Predictus vero comes in recompensationem omnium predictorum donavit mihi triginta libras stephaniensium quas con fiteor me ab ipso recepisse in pecunia numerata In cujus rei testimonium sigilla virorum religiosorum Golie et Montis Sancte Marie abbatum feci presentibus litteris apponi Datum anno Domini MCC sexagesimo primo die jovis post festum sancti Dyonisii