Charter Document - 02220345
| Charter Number: | 02220345 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1277 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p.778) |
Charter:
Ego Guydo dictus Eslavaite miles Salinensis notum facio universis presentes litteras inspecturis quod ego non deceptus non circonventus non vi dolo metu seu aliqua machinatione inductus ymo spontaneus pro meis negociis utiliter expediendis et agendis vendidi vendo [et] in nomine vendicionis trado cedo quitto et concedo im perpetuum et irrevocabiliter nobili viro Johanni Cabilonensi domino de Allato et suis heredibus vel cui concesserit mansum es Loysiez situm in villa et territorio de Myges et quicquid juris usus actionis rationis requisitionis seu reclamationis habeo habere possum et debeo quoquo modo in dicta villa et in dicto territorio de Miges videlicet domibus casalibus censibus terris arabilibus et non arabilibus pratis nemoribus et rebus aliis quibuscumque vendidi inquam pro tredecim libris bonorum et expendibilium stephaniensium mihi a dicto emptori traditis et solutis in integrum nomine precii in pecunia numerata et inde voco me bene pagatum In cujus rei testimonium ego predictus Guido miles sigillum venerabilis capituli ecclesie Sancti Mauricii Salinensis presentibus litteris rogavi et feci apponi Actum anno Domini M ducentesimo septuagesimo sexto mense februarii