Charter Document - 02220344
| Charter Number: | 02220344 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1280 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 21 - Tome 1 (p.774) |
Charter:
Ego Hugo dictus Sorz quondam filius nobilis viri Johannis comitis Burgundie et domini Salinensis notum facio universis presentes litteras inspecturis et audituris quod ego non deceptus non coactus [non] vi dolo metu seu precibus inductus sed spontaneus pro meis negociis utiliter expediendis et agendis vendidi vendo trado cedo quitto et concedo im perpetuum et irrevocabiliter nobili viro Johanni de Cabilone domino de Allato fratri meo et suis heredibus vel cui concesserit quicquid juris usus actionis rationis reclamationis seu requisitionis habeo habere possum et debeo quoquo modo in villis et territoriis seu finagiis de Doy de Faviere et de Cherbonieres sitis in valle de Meges et in pertinenciis et appendiciis dictarum villarum videlicet in hominibus mansis censibus terris arrabilibus et non arrabilibus pratis nemoribus riveriis usagiis justiciis dominiis et rebus aliis quoquo nomine censeantur vendidi inquam pro quadraginta libris stephaniensium bonorum et expendibilium quas habui et recepi a predicto nobili viro Johanne fratre meo tempore hujus vendicionis nomine precii in pecunia numerata et de hiis teneo me plenarie pro pagato In cujus rei testimonium ego predictus Hugo dictus So[r]z sigillum venerabilis capituli ecclesie Sancti Anatholii Salinensis presentibus litteris rogavi et feci apponi Actum XI kalendas octobris anno Domini MCC octogesimo