Charter Document - 02220341
| Charter Number: | 02220341 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1282 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 21 - Tome 1 (p766) |
Charter:
Ego Hugo dictus Reboitiers de Arcu notum facio universis presentes litteras inspecturis et audituris quod ego non deceptus non coactus [non] vi dolo metu precibusve inductus sed spontaneus pro meis negociis utilitate expediendis et agendis de laude et consensu Wuillecardi domini mei vendidi vendo trado cedo quitto et concedo im perpetuum et irrevocabiliter nobili viro Johanni de Cabilone domino de Allato et suis heredibus vel cui concesserit quoddam pratum situm in territorio de Conches juxta grangiam predicti Johannis emptoris ex una parte et ex altera parte juxta pratum liberorum dicti Potet de Arcu quod pratum est de feodo dicti Johannis vendidi inquam pro octo libris bonorum et expendibilium stephaniensium quas habui et recepi a predicto Johanne emptore tempore hujus vendicionis nomine precii in pecunia numerata et de hiis teneo me plenarie pro pagato Ego vero predictus Vuill[ec]a[r]dus de Arcu cum dictum pratum sit de feodo predicti nobilis viri Johannis domini mei sibi et suis a predicto Hugone dicto Rebotier homine meo venditum huic vendicioni penitus et expresse consentiens jam predicto Johanni domino meo et suis laudo et concedo in quantum ad hoc pertinet ipsum et suos investio de eadem et predicte vendicioni mihi insinuate auctoritatem meam impono et decretum In cujus rei testimonium nos predictus Hugo dictus Rebotiers et Vuillaudus sigillum venerabilis capituli Sancti Anatholii Salinensis presentibus rogavimus et fecimus apponi in testimonium veritatis Actum III nonas julii anno Domini MCC octogesimo secundo