Charter Document - 02220329

Universis presentes litteras inspecturis nos Stephanus dominus d'Aresche domicellus filius quondam domini Girardi domini d'Aresche et Gila ejus uxor filia quondam Stephani dicti de Ledone domicelli notum facimus quod nos non vi non dolo non metu inducti nec circumventi sed mera et spontanea voluntate et considerata evidenti utilitate nostra vendidimus et tradidimus nobili viro domino nostro domino Johanni de Cabilone domino de Arlato medietatem cujusdam vinee nostre que vocatur clausus de Champerrenier situs in territorio de Perigneyo juxta vineam dicti domini Johannis de Cabilone ex una parte et juxta vineas Guillelmi dicti de Genevois ex altera et quartam partem fructuum annuatim percipiendorum vinee dicti quondam Guich[ard]i Polet et decimam partem vinee site subtus vineam de Champerrinier supra dictam que omnia predicta jure hereditario et quicquid juris habemus vel habere debemus in omnibus supra dictis dedimus dicto domino Johanni et suis heredibus in perpetuum tenenda et possidenda pro precio sexaginta et decem librarum stephaniensium que omnia predicta et expressa nos predicti Stephanus et Gila ejus uxor confitemur esse de feodo dicti domini Johannis de Cabilone Et ad hec omnia predicta tenenda firmiter et habenda obligamus nos et omnia bona nostra jurisdictioni curie comitatus Burgundie et quia sigilla non hebemus sigillum curie comitatus Burgundie quo utitur apud Salinum una cum sigillo capituli venerabilis ecclesie Sancti Anatholii Salinensis presentibus litteris fecimus apponi Et nos predictum capitulum et Stephanus dictus Barengier et Vuillelmus dictus de Cyteaux burgenses Salinenses conservatores sigilli predicte curie quo utitur ad Salinum ad requisitionem dictorum Stephani et Gile ejus uxoris sigilla predicta presentibus litteris duximus apponenda in testimonium veritatis in presencia Vuillelmi dicti Vuergnet clerici et Renaldi dicti Hoste de Salin[o] Actum et datum die mercurii ante purificacionem beate virginis Marie anno Domini millesimo ducentesimo octogesimo sexto