Charter Document - 02220319
| Charter Number: | 02220319 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1274 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p.704) |
Charter:
Nos officialis curie Bisuntine notum facimus quod Perrinus et Johannes filii et heredes domini Theobaldi de Cicons militis confessi sunt in jure coram nobis se vendidisse tradidisse et in perpetuum quittasse laude et assensu domine Elviidis matris ipsorum Perrini et Johannis illustri domine Lore relicte illustris viri domini Johannis quondam comitis Burgundie et domini Salinensis quicquid dicti Perrinus et Johannes habent habere possunt et debent quocumque modo quacumque ratione vel jure in villa de Thisy finagio et parochiatu de Aresche pertinenciis et appendiciis earumdem videlicet in hominibus hominum mansis casalibus terris pratis pascuis nemoribus aquis angariis et perangariis censibus feodis reditibus et aliis quibuscumque rebus et juribus ad ipsos pertinentibus et pertinere debentibus pro centum et nonaginta libris stephaniensium solutis integre ipsis Perrino et Johanni a dicta Lora in pecunia numerata prout confessi sunt in jure coram nobis Denunciaverunt autem dicti Perrinus et Johannes in vendicione predicta ipsi emptrici omnia predicta vendita et tradita esse libera et quitta ab omni servitute alia quam eis debita Et promiserunt etiam tam dicti Perrinus et Johannes in solidum et quilibet eorum pro se quod dicta domina Elviis mater ipsorum omnia predicta vendita et tradita ipsi emptrici et suis pacificare et deffendere contra quascumque personas tam ecclesiasticas quam seculares semper et ubique in jure garantire [tenebitur] hoc excepto quod contra heredes predicti domini Johannis quondam comitis Burgundie et domini Salinensis non tenentur predicti venditores predicta vendita et tradita ipsi emptrici garantire abrenunciantes In quorum omnium testimonium et munimen ad requisitionem partium presentibus litteris sigillum curie Bisuntine duximus apponendum Actum et datum V ydus aprilis anno Domini M ducentesimo septuagesimo quarto