Charter Document - 02220317
| Charter Number: | 02220317 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1282 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p.693) |
Charter:
Nos Petrus domicellus filius quondam domini Stephani de Bannens militis et Stephaneta uxor dicti Petri filia quondam domini Stephani de Bannens dicti de La Planche militis notum facimus universis quod nos volontarii et spontanei pro negotiis nostris videlicet expediendis et agendis vendidimus tradidimus quittavimus et concessimus penitus et im perpetuum titulo perfecte venditionis sine spe revocationis et reclamationis a nobis et a nostris in posterum faciende nobili viro Johanni de Cabilone domino de Allato et suis heredibus vel cui concesserit quendam campum nostrum trium jugerum terre situm in territorio seu finagio de Reveria in loco qui dicitur Longemele contiguum a parte una campo Petri filii quondam Stephani de Reveria et campo dictorum es Pepin ex altera item quemdam campum nostrum duorum jugerum terre situm in predicto territorio seu finagio in loco qui dicitur Perriere contiguum a parte una campo domini Hugonis de Bannens militis et Haymonis dicti Bataillar ex altera vendiderunt insuper pro duodecim libris bonorum et expendibilium stephaniensium et decem solidis ejusdem monete quas habuimus et recepimus a predicto nobili viro tempore hujus venditionis nomine precii in pecunia numerata et de hiis tenemus nos plenarie pro pagatis De quibus duobus campis venditis nos devestimus et de iisdem predictum nobilem virum emptorem et suos investimus in possessionem corporalem vel quasi et veram inducendo promittentes abrenunciantes Ego vero predicta Stephaneta per juramentum meum super sanctis Dei ewangeliis corporaliter prestitum renuncio in hoc facto dotis ypothece legis Julie et senatusconsulti velleyani beneficio et auxilio certiorata materna lingua de vera que confitens et dicens in veritate quod alibi mihi sufficienter cautum est super dote et donatione propter nuptias ante dictas In cujus rei testimonium nos prefati conjuges Petrus domicellus et Stephaneta sigillum religiosi viri domini Jacobi abbatis Montis Sancte Marie Cisterciensis ordinis Bisuntine dyocesis una cum sigillo domini Guidonis curati de Bannens presentibus litteris rogavimus et fecimus apponi Actum anno Domini M ducentesimo octogesimo secundo mense octobri