Charter Document - 02220311
| Charter Number: | 02220311 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1270 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 21 - Tome 1 (p675) |
Charter:
Ego Petrus de Meges miles notum facio universis quod cum ego peterem a nobili domina Lora relicta nobilis viri Johannis comitis Burgundie et domini Salinensis domina mea preposituram vallis de Meges et alias quasdam res mediantibus bonis viris talis compositio inter me et ipsam intervenit scilicet quod ego quitto trado et penitus remitto im perpetuum dicte Lore et heredibus suis predictam preposituram et omnes actiones querellas sive controversias quas habebam vel habere poteram vel debebam contra predictam nobilem [dominam] et liberos ejus tam super dicta prepositura quam super aliis rebus quibuscumque usque ad diem confectionis presentium litterarum pro quater viginti libris viennensium quas ab ipsa Lora recepi plenarie in pecunia numerata renuncians In quorum omnium testimonium sigillum religiosi viri Guichardi prioris de Meges una cum sigillo meo feci apponi Actum anno Domini MCC septuagesimo die jovis ante festum beati Andree apostoli