Charter Document - 02220307
| Charter Number: | 02220307 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1274 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p.664) |
Charter:
Nos Johannes prepositus de Fraigne Girardus et Hugo quondam filii Petri domicelli prepositi de Fraigne notum facimus universis quod nos non decepti non coacti non vi dolo seu precibus inducti ymo spontanei vendidimus concessimus et tradidimus im perpetuum penitus et precise sine reclamatione aliqua a nobis vel a nostris heredibus nobili domine Lore quondam uxori nobilis viri Johannis comitis Burgundie et domini Salinensis furnum unum situm in villa de Fraigne videlicet infra les Terrax et totum casale et edificium dicti furni pro octo libris bonorum denariorum viennensium quam pecunie summam a dicta nobili domina Lora integraliter habuimus et recepimus in pecunia numerata Devestimus itaque nos et heredes nostros de dicto furno casali et edificio ipsius furni et supra dictam nobilem dominam Loram investimus de eisdem corporaliter et benigne promittentes renunciantes In cujus rei testimonium nos supra dicti Johannes Girardus et Hugo fratres sigillum religiosi viri fratris Jacobi abbatis Montis Sancte Marie rogavimus et fecimus presentibus litteris apponi Actum anno Domini MCC septuagesimo quarto