Charter Document - 02220298
| Charter Number: | 02220298 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1304 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 21 - Tome 1 (p.640) |
Charter:
Nos officialis curie Bisuntine notum facimus universis quod Sicilia filia quondam Murguerier de Salins et Adelina dicte Sicilie filia unanimi consensu pro se et suis vendiderunt tradiderunt et deliberaverunt perpetuo domino Renaldo de Noseroy militi ementi et recipienti et ad opus nobilis et potentis baronis domini Johannis de Cabilone domini de Allato et suorum et ejus qui ab eo causam habuerit quoddam casale situm Salinis in vico collaterali vigulti dicti domini Johannis juxta domum quam inhabitat Raphinus de Salneria ex una parte et domum Alidis Guinete ex altera cum omnibus appertinenciis dicti casalis excepta solummodo fusta domus site super dictum casale pro precio viginti quinque librarum usualis monete quas confesse sunt in jure et publice recognoverunt dicte venditrices se habuisse et recepisse a dicto domino Johanne per manum dicti Renaldi in bona et legali pecunia numerata et de hiis se tenuerunt totaliter pro pagatis devestien[tes] se de dicto casali vendito et dictum dominum Renaldum nomine et ad opus predicti domini Johannis et pro ipso investientes de eodem ipsum in possessionem corporalem vel quasi et vacuam inducendo Promiserunt insuper dicte venditrices et quelibet earum in solidum per fidem suam corporaliter prestitam in manu mandati nostri et sub obligatione omnium bonorum suorum dicto domino Renaldo solempniter stipulanti vice nomine et ad opus dicti domini Johannis et pro ipso ipsi domino Johanni et suis idem casale venditum francum et liberum garantire semper et ubique contra omnes nec contra venire in futurum exceptis solummodo quinque solidis qui debentur annuatim super dicto casali ecclesie Sancti Anatholii Salinensis in festo apostolorum Petri et Pauli prout denunciaverunt dicte venditrices volentes et concedentes expresse quod nos ipsas et quamlibet ipsarum ad predicta tenenda et observanda per sententiam excommunicationis compellamus et compelli faciamus sine alia monitione facienda et ad hoc se et sua obligaverunt et supposuerunt expresse jurisdictioni curie Bisuntine omnibus exceptionibus juris et facti remotis In cujus rei testimonium nos predictus officialis presentibus litteris sigillum curie Bisuntine duximus apponendum Actum et datum die dominica proxima post festum beati Barnabe apostoli anno Domini MCCC quarto