Charter Document - 02220291
| Charter Number: | 02220291 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1283 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 21 - Tome 1 (p600) |
Charter:
Nos officialis curie Bisuntine notum facimus universis presentes litteras inspecturis quod in nostra propter hoc presentia personaliter constitutus Odetus de Longavilla domicellus filius quondam Petri de Sancto Quintino confessus est ad hoc personaliter veniens in jure et judicio coram nobis se debere nobili viro domino Johanni de Cabilone domino de Allato viginti quinque libras bonorum et legalium stephaniensium ex legitima causa mutui sibi facti a dicto domino Johanne in pecunia numerata pro qua pecunie summa dictus Odetus obligavit et ypothecat tradit vel quasi et deliberat titulo pignoris seu ypothece in manu dicti domini Johannis res inferius annotatas videlicet quinque homines suos tallabiles ut asserit quos habet apud Cherney cum mensis eorum scilicet dictum Turpin cum menso ejusdem Bisuncium fratrem dicti Turpin cum manso dicti Bisuncii dictum Bruchet et mansum ipsius Bruchet dictum Medicum et mansum ipsius dictum Escarrel et ejus mansum Adrietum et ejus mansum terciam partem molendini de Charnoy et exituum ejusdem terciam partem batatorii de Charnoy et exituum ejusdem et medietatem furni de Charnoy cum medietate omnium proventuum dicti furni et omnia alia et singula que idem Odetus habet seu habere potest aut debet quocumque modo et quacumque de causa in villa et finagio de Chernoy quecumque sint et quocumque nomine censeantur confessus est se tenere in feudum a dicto Johanne omnia et singula supra dicta De predictis autem omnibus et singulis dictus Odetus se devestivit et dictum dominum Johannem de eisdem investivit et in corporalem possessionem induxit per tradicionem presentium litterarum Promisit etiam dictus Odetus fide data dicto domino Johanni et suis omnia et singula predicta deffendere garantire et pacificare contra omnes et non contra venire per se vel per alium quousque idem Odetus dicto domino Johanni vel suis integre satisfec[er]it de summa pecunie ante dicta In cujus rei testimonium ad preces et requisitionem dicti Odeti sigillum curie Bisuntine presentibus litteris duximus apponendum Datum IIII nonas marcii anno Domini MCC octuagesimo secundo