Charter Document - 02220274
| Charter Number: | 02220274 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1272 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 21 - Tome 1 (p559) |
Charter:
Nos frater Philippus abbas Clarevallis Cisterciensis ordinis Lingonensis dyocesis notum facimus universis presentes litteras inspecturis quod cum dilecti in Cristo filii abbas de Bullione et conventus ejusdem loci Bisuntine dyocesis Cisterciensis ordinis titulo permutationis tradiderint et concesserint venerabilibus domine Lore relicte condam nobilis viri Johannis comitis Burgondie et domini Salinensis et Johannis ejus filio ac eorum heredibus vel successoribus im perpetuum fundum locum et situm molendinorum de Fonlyson et ipsa molendina cum sitibus aquarum decursibus et omnibus pertinenciis appendiciis et juribus quibuscumque et quicquid habebant habere poterant et debebant in loco qui dicitur Falousa et inferiori Abergamento in comba Frasini et in Gevrosin et in Valenchetia tam in terris pratis aquis hominibus nemoribus et rebus aliis quibuscumque pro viginti octo libris redditus bone et legalis monete viennensis vel equivalentis monete persolvendis dictis abbati et conventui in reditibus seu proventibus quos habent in salneria Salinensi dicti nobiles Lora et Johannes nos dictas permutationes et pactiones universas super dictis permutationibus inhitas ratas et gratas habemus et auctoritate paterna eas confirmamus cum utilitas de Bullione nobis constet per fide dignos in hoc esse In cujus rei testimonium sigillum nostrum presentibus litteris ad requisitionem predictorum abbatis et conventus de Bullione ut predicta robur obtineant firmitatis im perpetuum duximus apponendum Datum die veneris proxima post decollationem beati Johannis Baptiste anno Domini MCC septuagesimo secundo