Charter Document - 02220271
| Charter Number: | 02220271 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1272 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 21 - Tome 1 (p.553) |
Charter:
Nos frater Henricus abbas Bullionis et ejusdem loci conventus notum facimus presentibus et futuris quod nos nobili mulieri Lore relicte felicis recordationis Johannis comitis Burgundie et domini Salinensis et Johanni filio eorundem invadiavimus et invadiamus sive pignori obligamus et quasi tradimus feudum nostrum Sancte Agne pro quadraginta libris viennensium quas ab eis recepimus in pecunia numerata Promisimus autem et promittimus bona fide eisdem Lore et Johanni quod nos dictum feudum non vendemus obligabimus donabimus permutabimus aliove aliquo modo vel titulo alienabimus nisi in manu dictorum Lore et Johannis vel heredum suorum Quod si dictum feudum voluerimus vendere nobis debent et tenebuntur dare pro dicto feudo legitimum precium ad arbitrium bonorum legitime et fideliter statuendum Promiserunt siquidem predicti Lora et Johannes per stipulationem solempnem pro se et heredibus suis et tenentur et tenebuntur consilium et auxilium suum bona fide nobis et nostris et ecclesie nostre impendere in deffendendo et custodiendo nos et nostras res et bona nostra et specialiter ea que habemus et habere debemus circa castrum Montis Majoris et Sancte Agne et in ipsis castris et territoriis seu finagiis eorundem castrorum In cujus rei testimonium presentes litteras dictis Lore et Johanni tradidimus sigillo nostro sigillatas Datum et actum anno Domini MCC septuagesimo secundo in crastino beati Pancratii