Charter Document - 02220269
| Charter Number: | 02220269 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1277 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p.547) |
Charter:
Ego Jacobus de Chaffeiaco comicellus notum facio universis litteras inspecturis ac etiam audituris quod ego non deceptus non coactus non circonventus vi dolo metu seu precibus inductus sed spontaneus feci homagium nobili Johanni dicto de Chalon domino Allati condam filio nobilis viri Johannis comitis Burgondie et domini Salinensis homagium intravi devenique homo suus legitimus im perpetuum et omnium heredum suorum salva tantummodo fidelitate nobilis viri comitis Burgondie et domini Johannis militis de Jou et ab ipso Johanne domino d'Allay accepi in perpetuum in feodum totum pratum meum situm inter villam de Novi Bois et villam de Sancta Columba continentem quatuordecim falcaturas prati contingentem prato religiosorum virorum abbatis et conventus Montis Benedicti et totum pratum meum situm in territorio de Sancta Columba videlicet en Munt Danvuyum continentem septem falcaturas prati contiguum a parte una prato domini Petri dicti Varescon militis et parte altera prato domine Mathilie de Chaffayaco et quoddam aliud pratum meum situm in dicto territorio de Sancta Columba en Lepitelle continentem tres falcaturas prati contiguum pratis supradictorum videlicet domini Petri de Varescon et domine Mathilie et unum quarterium bladi semi avene et semi frumenti ad mensuram Pontisalie quod apposui et assignavi super totam terram meam de Chaffeyaco promittens per juramentum meum super sancta Dei evangelia corporaliter prestitum et per stipulationem solempnem omnia et singula supra dicta in perpetuum firmiter tenere et inviolabiliter observare In cujus rei testimonium sigillum religiosi viri Baduini abbatis Golie ordinis sancti Augustini Bisuntine dyocesis rogavi et feci presentibus litteris apponi Actum et datum anno Domini MCC septuagesimo septimo mense junio