Charter Document - 02220264
| Charter Number: | 02220264 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1230 |
| Date type: | Assigned |
| Resource Link(s): |
Patrimoine numérisé de Besançon - MS Droz 21 - Tome 1 (p539) |
Charter:
Ego Odo dominus Asperimontis notum facio tam presentibus quam futuris quod super omnibus querelis que erant inter me et inter [Stephanum] comitem Burgundie composui ita quod ipse michi et ego ipsi remisi quicquid inter nos erat questionis insuper vero feci eidem fidelitatem ita quod ligius sum eidem salva fidelitate comitis Burgundie sub eadem fidelitate promittens eidem quod contra omnes ipsum juvabo preterquam quod contra comitem Burgundie prenotatum tam ex Asperomonte quam alia terra mea Teneor etiam ipsum receptare in castro jam dicto quociens ipsi necesse fuerit contra omnes excepto Burgundie comite nominato Preterea ab eodem comite Stephano accepi quicquid habeo in villa que dicitur Choigney excepto illo quod dedi Hugoni de Oreres nomine matrimonii quando eidem filiam meam maritavi medietatem etiam que dicitur Foloser Hoc est etiam de conventionibus nostris quod si castrum firmare voluerim apud Choigney vel apud Foloser comes pretaxatus me juvare tenetur et idem castrum erit de casamento ejusdem et tenebitur ab ipso unde et ipse tenetur me juvare tanquam hominem suum salva fide et honore ipsius Homines ipsius tenere non possum nec ipse meos