Charter Document - 02220224
| Charter Number: | 02220224 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1241 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p.477) |
Charter:
Ego frater Odo de Bellavalle et ego frater Amedeus de Caritate abbates ordinis Cisterciensis notum facimus omnibus presentes litteras inspecturis quod Stephanus comes Burgundie compos mentis sue et in lecto egritudinis et in periculum anime sue recognovit coram nobis quod Vuillermus de Vergeyo accepit ab ipso in feudum dimidium Longecort pro quo feodo dederat eidem Willermo quingentas libras stephanensium Preterea recognovit quod dominus de Beaumont erat suus ligius contra omnes et tenebat de ipso Beaumont ligium jurabilem et reddibilem contra omnes dominus Willermus de Vergeio a dicto comite Stephano per quasdam conventiones que fuerunt inter dictos comitem Stephanum et dominum Wuillermum de Vergeio ita videlicet quod si dictus dominus Wuillermus de Vergeio haberet duos heredes terram tenentes unum de duobus heredibus redderet dicto comiti Stephano qui suus esset ligius et ab ipso teneret Beaumont ligium jurabilem et reddibilem contra omnes si vero haberet solum heredem terram tenentem primo debebat esse ligius ducis Burgundie et post ducem ligius ipsius comitis de dicto feodo de Beaumont in modum supra dictum Ita erat quod successive debebantur expectari duo heredes in heredibus domini Vuillermi quorum unus ligius debebat esse dicti comitis vel heredum suorum de dicto feodo de Beaumont contra omnes Preterea recognovit quod Henricus dominus Fontisvenne accepit ab ipso in feudum Levuncort cum pertinenciis suis et Vasconcort et dimidium Conflondes Et sicut ab ipso audivimus ita testificamur et per appositionem sigillorum nostrorum confirmamus Actum anno Domini millesimo ducentesimo quadragesimo mense marcio