Charter Document - 02220212
| Charter Number: | 02220212 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1288 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p446) |
Charter:
Nos Johannes de Novo Castro super Lacum Lausannensis dyocesis prepositus ecclesie Cabilonensis curator Rolini quondam filii Amedei fratris mei domini de Novo Castro et Richardus frater ejus notum facimus universis presentes litteras inspecturis quod cum dominus Rolinus nepos noster fecisset fidelitatem excellentissimo principi Rodulpho Dei gratia Romanorum regi et semper augusto et ab eo recepisset in feudum castrum et villam de Novo Castro super [Lacum] Lausannensis dyocesis cum omnibus juribus pertinenciis et appendiciis et aliis ad dictum castrum et villam pertinentibus quocumque nomine censeantur prout Amedeus pater dicti Rolini et ejus predecessores predicta omnia et singula a Romano imperio in feudum hactenus tenuerant idem Rolinus de mandato et voluntate predicti principis excellentissimi Rodulphi Dei gratia Romanorum regis semper augusti auctoritate sibi a nobis quoad hoc prestita nomine curatoris super predictis Castro Novo et villa cum omnibus juribus et pertinenciis prout superius expressum est fecit fidelitatem et homagium nobili viro domino Johanni de Cabilone domino de Arlato et predicta prout superius sunt expressa cepit in feudum ab eodem In cujus rei testimonium nos Johannes curator et Richardus frater ejus sigilla nostra presentibus litteris duximus apponenda Actum et datum anno Domini MCC octogesimo octavo mense septembris