Charter Document - 02220211
| Charter Number: | 02220211 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1288 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p442) |
Charter:
Nos Guillelmus Dei gratia Lausannensis episcopus notum facimus universis presentes litteras inspecturis quod in nostra presentia personaliter constitutus et ad hoc veniens specialiter in jure et judicio coram nobis domicellus Rolinus dominus de Novo Castro super Lacum Lausannensis dyocesis quondam filius Amedei domini ejusdem loci non vi non dolo non metu inductus non ab aliquo circumventus sed mera et spontanea voluntate confessus est in jure et judicio coram nobis se cepisse in feudum a nobili viro domino Johanne de Cabilone domino de Arlato domino suo castrum et villam de Novo Castro super Lacum Lausannensis dyocesis predictum cum universis juribus pertinenciis et appendiciis ejusdem quocumque nomine censeantur et omnibus feudis retrofeudis et aliis ad dictum castrum et villam pertinentibus quibuscumque item pedagia seu vectigalia aquas aquarum decursus et nigras juras que et quas habet habere potest et debet ratione et nomine domini de Novo Castro et ville vel appendiciarum seu pertinenciarum ejusdem prout Amedeus pater ejus et ipsius predecessores predicta omnia et singula ab imperio Romano hactenus tenuerant Confessus est etiam se cepisse in feudum a dicto domino Johanne de Cabilone si que sint alia que sint de feudo dicti Romani imperii que in hac littera non vocentur salvo tamen in omnibus et per omnia quod idem Rolinus tenere debet ab ecclesia Losannensi et eis que [de] dicto feudo esse noscuntur Promisit siquidem dictus Rolinus per juramentum suum super sancta Dei evangelia spontanee prestitum tactis sacrosanctis ewangeliis se contra premissa vel aliquid premissorum de cetero non venire per se vel per alium Voluit insuper dictus Rolinus et quoad hoc jurisdictioni nostre se supposuit quod si forte contingeret ipsum venire contra premissa vel aliquid premissorum nos ipsum ad observationem premissorum et cujuslibet premissorum compelleremus et compelli faceremus per sententias excommunicationis in personam suam et interdicti in terram suam ubique se transferret exceptione aliqua non obstante In cujus rei testimonium ad preces et instantiam dicti Rolini sigillum nostrum presentibus litteris duximus apponendum Actum et datum anno Domini MCC octogesimo octavo mense septembris