Charter Document - 02220209
| Charter Number: | 02220209 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | French |
| Charter Origin: | Lay |
| Charter Type(s): | Confirmation |
| Date: | 1263 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p.438) |
Charter:
Nous Jehans cuens de Bourgoigne et sires de Salins façons savoir à touz que nous havons donné et outroié as enfanz que nous avons et aurons de la contesse Lore nostre fame em lour loiaul partie que donné lor havons de noz biens et de noz honors après nous le fié que de nous tient messires Rahouz sires de Nuefchastel et est assavoir que nous volons et comandons audit Rahoul que il entroit en l'omaige la contesse Lore nostre fame en nom de nouz anfanz que de li havons sitost con lidiz Rahouz en sara requis de ladite Lore En tesmoignaige de laquel chose à nostre priere et à nostre requeste li religiouse dame et honeste Marguerite abbasse de Chastel Challon ha mis son seel pendant en ces presantes lettres ensamble le nostre seal Ce fu fait l'an de l'incarnation Nostre Signour qui corroit par mil et CC et sexante et trois ou mois de septembre