Charter Document - 02220199

Charter Document - 02220199


Charter Number: 02220199
Cartulary Title: Cartulaire de Hugues de Chalon (1220-1319)
Charter Language: Latin
Charter Origin: Lay
Charter Type(s): Confirmation
Date: 1301
Date type: Internal, A.D., Feast
Resource Link(s): Patrimoine numérisé de Besançon - MS Droz 21 - Tome 1 (p421)

Charter:

In nomine Domini amen Anno incarnationis ejusdem millesimo trecentesimo primo indictione XIIII die sabbati in octabis nativitatis beati Johannis Baptiste per presens publicum instrumentum cunctis appareat evidenter quod in presentia mea Petri de Montebeligardi sacrosancte Romane Ecclesie ac sacri imperii et alme urbis prefate publici auctoritate notarii et testium subscriptorum propter hec que sequuntur personaliter constitutis nobilibus viris domino Johanne de Cabilone domino de Allato ex una parte et Guillermo de Sancta Cruce domino Longepetre domicello ex altera dictus Guillermus confessus est et in veritate recognovit se pro se et Guillermeta uxore sua filia quondam nobilis viri domini Valcherii domini Montisrivelli tenere suum castrum de Monterivello jurabile et reddibile domino Johanni de Cabilone domino de Allato ante dicto dicto domino Johanne super hoc tractante cum Guillerma predicta qui dictus dominus Johannes audita confessione et rogatione dicti Guillermi requisivit ipsum Guillermum ut dictum castrum de Monterivello quod tenet ab ipsa jurabile et reddibile eidem redderet quando indigebit de eodem qui Guillermus ibidem ad requisitionem dicti domini Johannis domini sui dictum castrum de Monterivello reddidit domino Johanni predicto Et ad majorem firmitatem promisit dictus Guillermus dicto domino Johanni domino suo dilecto reddere litteras sigillo ipsius Guillermi et sigillo officialis Cabilonensis sigillatas una cum sigillo Guillermete predicte Actum apud Bletterens anno die et indictione quibus supra presentibus nobilibus viris domino Johanne de Bellavavra domino de Chays Joffredo de Ruppe Guidone Galafin Guidone dicto Quarre Henrico de Bleterens Henrico [de] Aula Hugone de La Faye Girardo domino Arguelli militibus Hugone curato ecclesie Castri Karoli Rodulpho curato de Nance Guidone Badeti de Balma Jacobo Poli de Bleterens clericis Richardo de Chilliaco Reynaudo Roillardi Odeto dicto Bais Guidone et Girardo Desuper Alios fratribus Guillermo de Sarbartier Humberto de Channat Aymone de Bleterens domicellis et pluribus aliis clericis et laicis testibus ad hoc vocatis et rogatis Et ego Petrus dictus Juvenis []