Charter Document - 02220197
| Charter Number: | 02220197 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1301 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 21 - Tome 1 (p414) |
Charter:
In nomine Domini amen Anno incarnationis ejusdem millesimo trecentesimo primo indictione XIIII die lune post octobas apostolorum Petri et Pauli per presens publicum instrumentum cunctis appareat evidenter quod in presentia mea Petri de Montebeligardi notarii et testium infra scriptorum propter hoc personnaliter constitutis illustri viro domino Johanne de Cabilone domino de Allato ex una parte et Guillermo de Sancta Cruce domino Longepetre domicello ex altera dictus Guillermus ante portam castri Montisrivelli recognovit sponte se tenere pro se et nomine suo et nomine Guillermete uxoris sue filie quondam domini Walcherii domini quondam Montisrivelli suum castrum de Monterivello jurabile et reddibile a domino Johanne predicto cui Johanni ibidem sponte tradidit claves dicti castri et ipsum dominum Johannem tanquam dominum suum ligium ratione dicti castri misit im possessionem dicti castri de Monterivello per traditionem clavium dicti castri Et dicto domino Johanne misso in dicto castro de Monterivello dictus Guillermus de Sancta Cruce dominus dicti castri ad requisitionem dicti domini Johannis domini sui precepit incontinenti custodes magne turris et parve turris dicti castri descendere et gentes dicti Johannis in dictis turribus nomine dicti domini Johannis ascendere in easdem Et hiis peractis dictus dominus Johannes vigiles et excubias posuit in dicto castro de Monterivello janitores portitores et alios officiales necessarios pro libito sue voluntatis Et hiis modis dictus Guillermus posuit dictum dominum Johannem suum ligium [dominum] in bona possessione pacifica et quieta de toto castro memorato sub bona fide domini Johannis domini sui memorati Actum ante portam dicti castri de Monterivello anno die et indictione quibus supra presentibus domino Johanne de Bellavavra domino de Chays et Humberto de Cuvier militibus domino Michaele de Chevrello legum professore magistro Stephano dicto Brunier Pontisalie jurisperito Jacobo Poli Hugone Blondi de Bleterens Hugone de La Roche Johanne dicto Villequet clericis Guillermo dicto de Tolonjon Guillermo de Rayceio domicellis familiaribus dicti domini de Sancta Cruce domini Montisrivelli et pluribus et infinitis aliis clericis et laycis testibus ad hoc specialiter vocatis et rogatis Item postmodum dicto die hora vespertina supervenit apud Montemrivellum vir nobilis dominus Valterus de Montefalcone dominus de Villafens coram quo Waltero domino de Villafans dictus Guillermus de Sancta Cruce ad requisitionem dicti domini Johannis de Cabilone domini sui ligii recognovit omnia et singula supra scripta vera esse et tota ea confessus est sponte in verbo veritatis presente me notario infra scripto et presentibus testibus infra scriptis rogans et requirens dictus Guillermus cum instantia nobiles viros dominum Valterum de Montefalcone dominum de Villafans et dominum Johannem de Bellavavra dominum de Chays ut ipsi in presenti instrumento publico sigilla sua una cum sigillo ipsius Guillermi et signo meo notarii infra scripti apponant in testimonium premissorum Nos vero Valterus de Montefalcone et Johannes de Bellavavra predicti ad preces et requisitionem dicti Guillermi nostra sigilla presenti instrumento publico duximus apponenda Et ego Guillermus de Sancta Cruce sigillum meum una cum sigillo predictorum Valteri de Montefalcone et Johannis de Bellavavra nobilium et signo notarii infra scripti presenti instrumento apposui in testimonium premissorum Actum in aula castri de Monterivello anno et die quibus supra presentibus dictis nobilibus dicto Michaele de Chevrello legum professore magistro Stephano Pontisallie jurisperito Humberto de Cuvier milite domino Johanne de Novo Castro presbitero Hugone de Ruppe Johanne de Villafans clericis Guillermo de Tolonjon Guillermo de Rayceyo Stephano dicto Sinart [de Ledone Johanne] de Montebosone Johanne de Turey Stephano de Sancto Germano domicellis familiaribus dicti Guillermi de Sancta Cruce et pluribus testibus ad hoc vocatis et rogatis Et ego Petrus []