Charter Document - 02220196
| Charter Number: | 02220196 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1301 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 21 - Tome 1 (p.409) |
Charter:
In nomine Domini amen Anno incarnationis ejusdem millesimo trecentesimo primo indictione XIIII die martis post octabas Petri et Pauli apostolorum per presens publicum instrumentum cunctis appareat evidenter quod in presentia mea Petri de Montebeligardi sacrosancte Romane Ecclesie ac sacri imperii et alme urbis prefate auctoritate publici notarii et testium infra scriptorum propter hoc personaliter constitutis illustri viro domino [Johanne] de Cabilone domino de Arlato ex una parte et Guillermo de Sancta Cruce domino Longepetre domicello ex altera dictus Guillermus non vi non metu non dolo inductus nec ab aliquo ut asserit circumventus sed sciens prudens et spontaneus et ex certa scientia confessus est et in veritate recognovit se pro se et Guillermeta uxore sua filia quondam domini Valcherii domini quondam de Monterivello tenere in feodum ligium ab ipso domino Johanne omnia bona res redditus et jura quicquid habet et possidet in cruce dicte Guillermete uxoris sue in castellania de Monterivello quecumque sint et quocumque nomine censeantur Et super hoc voluit dictus Guillermus fieri presens publicum instrumentum sub sigillo suo et sigillo dicte Guillermete uxoris sue rogans et requirens dictus Guillermus venerabilem virum officialem Cabilonensem ut sigillum curie sue Cabilonensis presenti instrumento apponat una cum sigillo ipsius Guillermi et Guillermete uxoris sue in robur et testimonium premissorum Ego vero predicta Guillermeta recognitionem et confessionem factas per dictum Guillermum de Sancta Cruce dilectum virum meum et omnia supra scripta ratiffico et accepto et sponte confiteor castrum nostrum de Monterivello fore et [esse de] feodo ligio dilecti domini mei Johannis de Cabilone domini de Allato jurabile et reddibile omni die omni hora pro libito sue voluntatis si dictus dominus Johannes indigeret de dicto castro In quorum omnium testimonium sigillum meum una cum sigillo Guillermi de Sancta Cruce mariti mei dilecti et sigillo curie officialis Cabilonensis cum signo notarii infra scripti presenti instrumento duximus apponendum Actum apud Montemrivelli anno die et indictione quibus supra presentibus domino Michaele de Chevrello legum professore magistro Stephano Pontissalie jurisperito domino Humberto de Cuvier milite domino Johanne de Novo Castro presbitero Jacobo Poli Hugone dicto Blondi de Bleterems Hugone de La Roche Johanne dicto Willequet clericis Rolino de Novo Castro Guillermo dicto de Tollonjon Guillermo de Raiceyo Stephano dicto Sinart de Ledone Johanne de Montebosone Johanne de Tureyo Bertrando Humberti [Stephano] de Sancto Germano de Bosco domicellis et pluribus aliis et infinitis testibus ad hoc vocatis et rogatis Et ego Petrus []