Charter Document - 02220194
| Charter Number: | 02220194 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | French |
| Charter Origin: | Lay |
| Charter Type(s): | Confirmation |
| Date: | 1262 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p.404) |
Charter:
Nous Hemarriz sires de Jou faisons savoir à touz que nous tenons et devons tenir nous et nostre hoir en fié lige dou noble baron Jeham conte de Bourgoigne et signour de Salins nostre signour tout nostre chastel de Jour le chastel d'Usies rendauble et toutes les appendises doudit chastel d'Usies et Bonevans et Courvieres et Dammartin et Estaz et quarante livrées de terre ou pois de Salins et quamque nous avons et davons avoir à La Reviere de la Chadellie et les censiers que nous avons à Pontallie et toutes ces choses recognossons nous de nostre bon gré et en nostre bone memoire tenir doudit conte en fié lige En tesmoignaige de laquel chose à nostre priere et à nostre requeste Walchier li religious abbes de Goile ha mis son seel pendant en ces presantes lettres ensamble le nostre seel Ceu fut fait l'an de l'incarnation Nostre Signour [corrant] par mil et doux cenz et sexante et doux