Charter Document - 02220177
| Charter Number: | 02220177 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Acknowledgment |
| Date: | 1241 |
| Date type: | Internal, A.D., Feast, Papal |
| Resource Link(s): |
Patrimoine numérisé de Besançon - MS Droz 21 - Tome 1 (p364) |
Charter:
Ego Galterius dominus de Commercey notum facimus universis presentibus et futuris quod super discordiis habitis inter dominum meum Johannem comitem Burgundie et dominum de Salinis et me Galterum et filios meos Simonem et Guillelmum milites pax et concordia amiabiliter facta est in hunc modum quod ego intravi in homagium dicti Johannis comitis Burgundie et domini de Salinis ita quod in comitatu Burgundie et ultra Sunnam sum homo ligius sepedicti Johannis comitis Burgundie et domini Salinensis ante omnes salva ligiatione aliorum dominorum meorum et teneo ab ipso comite Castrum Villani in Jura et Montem Revelli jurabilia et reddibilia ipsi comiti et heredibus suis Promisi etiam eidem comiti quod ego nec heredes mei firmabimus aliquid nec aliquam forteresciam faciemus apud Castrum Villanum nec in castro [nec] in colle nisi per voluntatem et consensum prefati comitis vel heredum suorum Preterea Symon et Guillelmus milites filii mei intraverunt in homagium dicti comitis ante omnes nisi ita contingeret quod absit quod tota terra mea ad unum heredem deveniret quia tunc heres ille esset homo prefati comitis sicuti ego sum Et si alter filiorum meorum Symonis et Guillelmi militum intraverit in homagium dicti comitis pro dictis castris alter erit ab homagio comitis liberatus Item ego Galterus et filii mei jus si quod habemus in calderia de Salinis posuimus in voluntate dicti comitis et promisimus eidem comiti quod homines suos nec heredum suorum retinebimus super nos nec ipse debet nostros retinere In cujus rei testimonium presentem paginam sigillo meo confirmavi Datum anno Domini MCCXL prima dominica proxima post festum beati Mathie apostoli