Charter Document - 02220159
| Charter Number: | 02220159 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1300 |
| Date type: | Internal, A.D., Calendar, Papal |
| Resource Link(s): |
Patrimoine numérisé de Besançon - MS Droz 21 - Tome 1 (p.324) |
Charter:
In nomine Domini amen Per [hoc] presens publicum instrumentum cunctis appareat evidenter quod anno incarnationis Domini millesimo ducentesimo nonagesimo nono kalendis februarii indictione XIII pontificatus sanctissimi patris domini nostri Bonifacii pape octavi anno sexto coram nobis Humberto humili priore de Stella Bisuntine dyocesis ordinis sancti Benedicti et coram me Bartholomeo de Gy publico auctoritate apostolica notario et testibus infra scriptis propter hoc personaliter constituti Stephanus et Johannes filii quondam Hugonis dou Loveret confessi fuerunt et publice recognoverunt in veritate se tenere in feodum a nobili viro domino Johanne de Cabilone domino de Arlato omnia et singula immobilia quecumque sint et quocumque nomine censeantur que ipsi fratres habent et possident in castro et villis de Arlay et de Louveret [et in] finagiis ac appendiciis earumdem et pro predictis omnibus et singulis confessi sunt se esse homines ligios dicti domini Johannis et homagium intrasse et fidelitatem ipsius unde et ligie[tatem] fecisse et etiam juravisse et super hoc a me notario petierunt fieri publicum instrumentum In cujus rei testimonium nos prior predictus ad requisitionem dictorum fratrum presentibus sigillum nostrum cum signo dicti notarii duximus apponendum Actum in castro de Stella anno et die quibus supra presentibus ibidem viris discretis domino Michaele de Chevrello juris civilis professore Petro de Trenay domicello et pluribus aliis fide dignis testibus ad hoc vocatis et rogatis Et ego Bertholomeus de Gy clericus Bisuntinus publicus auctoritate apostolica notarius predictis confessionibus et recognitionibus dictorum fratrum una cum dictis priore et testibus presens interfui et hoc instrumentum scriptum per manum Henrici de Passofonte clerici in formam publicam redegi mea propria manu subscripsi et signo meo solito una cum apposito predicto sigillo signavi vocatus et rogatus