Charter Document - 02220154

In nomine Domini amen Anno ejusdem millesimo trecentesimo tercio indictione prima tempore domini Bonifacii pape octavi anno ejus nono die dominica ante assumptionem beate Marie Virginis per hoc presens publicum instrumentum cunctis appareat evidenter quod illustris vir Walcherius de Commercis dominus de Castrovillano in castro dou Noseroy coram me Haymone Megneti curato de Dortenco presbitero publico auctoritate imperiali notario presentibus religiosis viris Guillermo abbate Balerne Cisterciensis ordinis domino Amedeo comite Gebennensi Humberto domino de Claravalle in montana Symone de Montebeligardo domino de Montron Girardo domino de Arguello Johanne de Oiselar Johanne de Lanquis Amedeo de Valtravers militibus Johanne de Jou domino de Mirval Johanne domino de Marnay Stephano de Claravalle domicellis et pluribus aliis testibus presentibus dicta die dominica [qui] quidem dominus Walcherius sciens providens et spontaneus ex certa scientia sine occasione aliqua confessus fuit et publice recognovit se tenere dictum Castrumvillanum ligium et reddibile cum suis appendiciis ab excellenti et potenti viro domino Johanne de Cabilone domino de Arlato presenti dictamque confessionem recipienti et acceptanti Et eadem die dominica coram supra scriptis testibus prefatus dominus Walcherius dictum castrum reddidit dicto domino Johanni de Cabilone oretenus et per quoddam caputium de dicto Castrovillano eumdem Johannem et suos investivit et in possessionem vel quasi induxit et tradidit et deliberavit confitendo dictum Castrumvillanum esse de feodo ligio prefati domini Johannis de Cabilone et debere reddi eidem domino Johanni et suis ab eodem domino Walcherio et suis quotienscumque de cetero et quandocumque ab ipso domino Johanne de Cabilone et suis aut eorum certo mandato super hoc fuerint requisiti Die vero lune immediate sequenti dictus dominus Walcherius domino Johanni de Oiselar militi ad hoc ab ipso domino Johanne de Cabilone specialiter deputato presentibus dicto Symone domino de Montron domino Guillermo dicto Maire militibus Morello de Vadreyo Banceneto de Frontenay Stephano domino de Badiqua et Henrico de Alaise domicellis et pluribus aliis dictum Castrumvillanum turres claves fortalicia et omnia edificia dicti castri nomine ipsius domini Johannis de Cabilone et ad opus ipsius reddidit pure perfecte et integre tradidit et deliberavit eidem domino Johanni de Oiselar recipienti nomine quo supra et [eum] in possessionem corporalem induxit de eisdem recedendo penitus de dicto castro possessionemque dicti Castrivillani dicto domino Johanni de Oyselar efficaciter et pacifice dimittendo Actum anno indictione diebus et locis quibus supra presentibus supra scriptis Nos vero frater Guillermus Dei gratia humilis abbas Balerne Cisterciensis ordinis Amedeus comes Gebennensis Humbertus dominus Clarevallis Symon de Montebeligardo dominus de Montron Girardus dominus de Arguello et Johannes de Oyselart cum nobis constet de premissis per confessionem ipsius domini Walcherii factam oretenus coram nobis ad perpetuam hujus rei memoriam sigillis nostris presentes litteras sigilla[vi]mus in robur et testimonium omnium premissorum anno quo supra die lune ante assumptionem predicte beate Marie Virginis Et ego Aymo Migneti curatus de Dortenco publicus auctoritate imperiali notarius premissis omnibus interfui presensque instrumentum inde confeci et scripsi et meo solito signo signavi rogatus una cum sigillis testium hic scriptorum