Charter Document - 02220148
| Charter Number: | 02220148 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1310 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 21 - Tome 1 (p.297) |
Charter:
In nomine Domini amen Anno incarnationis ejusdem millesimo tricentesimo decimo indictione octava die mercurii ante festum Marie Magdalene per presens publicum instrumentum cunctis appareat evidenter quod in presentia mei Petri de Montebeliardi publici auctoritate apostolica notarii et testium subscriptorum ad hec que secuntur personaliter constituti Nicholetus de Vivi ex una parte et Perreneta filia quondam Abrici de Warges uxorque dicti Nicholeti ex altera dicta Perreneta de mandato expresso auctoritate et voluntate dicti mariti sui presentis volentis et mandantis confitetur et in verbo veritatis recognoscit se accepisse in feodum ligium a domino Johanne de Cabilone domino de Arlato res infra scriptas videlicet unum casale et unum cultile situm apud Warges que Petrus Choleti tenere solebat et terram sitam en les Martares et generaliter quicquid habet dicta Perreneta apud Warges et in territorio dicti loci de maritagio ipsius Perrenete pro quibus rebus feodalibus dictus Nicholetus confitetur et in verbo veritatis recognoscit se habuisse et recepisse a domino Michaele de Chevrello legum professore baillivo dicti domini Johannis nomine ipsius domini Johannis sex libras bonorum stephanensium de quibus se tenet integre pro pagato promittentes Actum apud Vivi ante domum dictorum conjugum anno die indictione quibus supra presentibus domino Petro de Vivi presbitero et Girardo filio Johannis de La Baume layco testibus ad hoc vocatis et rogatis Et ego Petrus dictus Juvenis de Montebiligardo Bisuntine diocesis sacrosancte Romane Ecclesie et sacri imperii et alme urbis prefate publicus auctoritate [apostolica] notarius premissis omnibus presens interfui presens publicum instrumentum manu propria confeci publicavi et signo meo consueto signavi a dictis conjugibus requisitus et rogatus