Charter Document - 02220147

Universis presentes litteras inspecturis ego Perreneta domicella quondam filia domini Guidonis de Trugneyo militis uxorque Guillermi de Sancto Romano domicelli et ego Guillermus de Sancto Romano domicellus maritus dicte Perrenete notum facimus quod nos unanimiter et ad hoc venientes sine vi sine dolo et sine aliqua circumventione confitemur et recognoscimus quod nos reprisimus in feodum res inferius annotandas moventes a me Perreneta predicta a nobili viro et discreto dilecto domino nostro et reverendo domino Johanne de Cabilone domino d'Arlay videlicet unum mansum situm apud Sanctum Maricium qui mansus dicitur mansus dicti Grosset qui mansus debet annuatim sex solidos turonensium et duo carteria bladi medium frumenti et medium avene et unam gallinam cum corveata item mansum dicti Salemont situm apud Sanctum Maricium qui mansus debet sex solidos et duo carteria bladi medium frumenti et medium avene cum gallina et corveata item unum mansum situm apud Crilleyum qui mansus debet annuatim duodecim solidos et tria quarteria bladi medium frumenti et medium avene cum gallina [et] cum corveata item totum jus quod habemus apud Loseium item omne jus omnem actionem quod et quam habemus habere possumus et debemus cum dominio et rebus aliis quocumque nomine censeantur in predictis locis ratione partagii domine Boneamice matris mee Perrenete supra dicte pro beneficiis et curialitatibus nobis impensis a predicto domino nostro domino Johanne et pro viginti libris turonensium habitis et receptis in denariis numeratis ab eodem et de quibus nos tenemus integre pro pagatis Item confitemur nos teneri tanquam feodarii predicto domino et heredibus suis legitime deservire De quibus omnibus predictis devestimus nos et nostros et dictum dilectum dominum nostrum et heredes suos corporaliter vel quasi investivimus penitus et precise Promittimus nihilominus pro nobis et nostris per juramentum nostrum super sancta Dei ewangilia a nobis propter hoc corporaliter datum et per sollempnem stipulationem predictas res dicto domino nostro et heredibus suis pro posse nostro im pace tenere deffendere et contra omnes garantire et facere quicquid in causa evictionis debet fieri et prestari et non venire contra per nos vel per alium tacite vel expresse renunciantes volentes et concedentes quod si in aliquo tempore in contrarium obiceremus nulla nobis prorsus in aliqua curia ecclesiastica vel seculari fides vel audientia adhibeatur In cujus rei testimonium rogavimus et obtinuimus apponi presentibus litteris sigillum curie Cabilonensis Et nos Johannes de Edua officialis Cabilonensis ad preces et requisitionem [Perrenete et Guillermi predictorum] duximus [sigillum nostrum presentibus litteris] apponendum in testimonium veritatis Datum et actum anno Domini MCCC mense februarii die lune post octabas Bordarum