Charter Document - 02220140
| Charter Number: | 02220140 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1290 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p.274) |
Charter:
Nos Bartholomeus de Bosco officialis et canonicus Cabilonensis notum facimus universis presentes litteras inspecturis quod in nostra presentia propter hoc personaliter constitutus et ad hoc veniens spontaneus non coactus Richardus de Chanrongeroux domicellus confitetur et ex certa scientia firmiter asserit coram nobis se tenere a nobili viro domino Johanne de Cabilone domino de Arlato milite domino suo et suis heredibus in feodum et casamentum octo libratas terre stephanensium annui et perpetui redditus a dicto Richardo et suis heredibus percipiendas et habendas im perpetuum et eidem Richardo et suis heredibus a dicto domino Johanne datas et assignatas in reditibus putei Salinensis et solvendas quolibet anno im perpetuum in vigilia festi assumptionis beate Marie virginis item centum solidatas terre stephanensium videlicet medietatem omnium que ipse Richardus habet aut habere potest et debet ratione qualibet in villa de Chermay de parochiatu de Mervens Cabilonensis dyocesis et in toto finagio pertinenciis et appendiciis dicte ville scilicet a magno itinere per quod itur de Fagia versus Mervans usque ad riveriam de la Guiate et a rivo qui dicitur li biez dou Charme usque ad alium rivum qui dicitur li biez de fonte de Charmey et durant et defluant dicti rivi a dicto magno itinere usque ad dictam riveriam de la Guiate que medietas predictorum extimatur ad centum solidatas terre stephanensium quas octo libratas terre assitas et assignatas super reditibus putei Salinensis idem dominus Johannes eidem Richardo et suis heredibus im perpetuum dedit et concessit una cum quodam equo de quadraginta libris stephanensium prout idem Richardus asseruit coram nobis tali condictione apposita quod pro predictis octo libratis terre dictus Richardus et sui tenentur dictum equum tenere im perpetuum in statu et in pede cum armatura nobilis viri et etiam ernamento ad servandum im perpetuum ipsi domino Johanni et heredibus quotienscumque ipse vel heredes sui non committant Et si forte contingeret quod dictus Richardus vel heredes sui nolent ipsi domino Johanni vel suis heredibus modo premisso deservire et dictum equum cum armatura vel ernamento im pede vel in statu tenere ipse dominus Johannes posset vel sibi liceret auctoritate propria dictas octo libratas terre et centum solidatas terre occupare et in dominium suum vertere quousque dominus Richardus vel heredes sui vellent dicto domino Johanni vel suis cum dicto equo armatura et ernamento modo premisso deservire et qu[and]ocumque dominus Richardus vel heredes sui vellent dicto domino Johanni modo premisso deservire ipse dominus Johannes dictas octo libratas terre et centum solidatas terre eidem vel suis heredibus reddere et restituere teneretur et si dictus equus in servicio ipsius domini Johannis vel suorum moreretur ipse dictum equum reddere teneretur Promittit etiam dictus Richardus pro se et suis per juramentum suum super sancta Dei evangelia corporaliter prestitum predicta prout superius sunt expressa perpetuo tenere firmiter et inviolabiliter observare supponens se et suos heredes jurisdictioni curie nostre Cabilonensis quoad observanciam premissorum In cujus rei testimonium ad requisitionem dicti Richardi sigillum curie Cabilonensis presentibus litteris duximus apponendum Datum anno Domini MCC nonagesimo mense novembris