Charter Document - 02220119
| Charter Number: | 02220119 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | French |
| Charter Origin: | Lay |
| Charter Type(s): | Confirmation |
| Date: | 1284 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 21 - Tome 1 (p.244) |
Charter:
Je Willemin sires d'Abbens escuiers fais savoir à touz que j'ay repris et repren en fié et en chasemant dou noble homme mons Jeham de Chalon signour d'Arlay mon signour en accroissemant dou fié que je tien de luy quamque j'ay et puis et doy avoir coment que ceu soit à Nam dessouz Mommaour et à Sarraz et en la forest de Sarraz et es appendisses dezdiz leus em bois em prez em champs en terres arables en hommes en tailles en cences en justices en signories et en toutes autres choses comant que je puisse et doie riens avoir es leus et es appendises de ces En tesmoignaige de laquel chose j'ay requis et suplié à l'official de la court de Besençon que mete le seel de ladite court en ces presantes lettres emsamble le mien seel lequel je ay mis Faites et données à Besançon le sambadi après la Pentecoste l'an Nostre Signour corrant par mil CC octante et quatre