Charter Document - 02220112
| Charter Number: | 02220112 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | French |
| Charter Origin: | Lay |
| Charter Type(s): | Confirmation |
| Date: | 1284 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p230) |
Charter:
Je Jehans sires de Monz escuiers fil çay en arrier Ybelet signour de Monz fais savoir à touz ces qui verront ces presantes lettres que je suis hons liges à noble baron sire Jeham de Chalon signour d'Arlay sauve la feauté mons Perron signour de Jayz et sauve la feauté mons Perrum signour de Champvent et tien doudit Jeham mon signour en fié ma maison de Mons en laquele je le doi recepter à grant force et à petite contre toutes genz et tien encour de luy cinc charges de sel que je ay de rente ou puis de Salins En tesmoignaige de ceste chose j'ay fait seeler ces lettres dou seel à honorauble pere en Jhesu Crist Willaume par la grace de Deu evesque de Losanne et dou seel à noble baron et saige sire Henri signour de Jouz Faites et données en l'an Nostre Signour corrant per mil CC octante et trois ou mois de jenvier