Charter Document - 02220111
| Charter Number: | 02220111 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | French |
| Charter Origin: | Lay |
| Charter Type(s): | Confirmation |
| Date: | 1258 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p.229) |
Charter:
Nous Hugues sires de Husies faiz savoir à toz ces qui verront ces presantes lettres que nous avons pris en fié et en chasemant dou noble baron monsignour Jeham conte de Bourgoigne et signour de Salins nostre marchié de Husies et tout quanque lediz cuens avoit ou val de Husies c'est assavoir à Septfontainnes à Vilers à Sonbacourt à Wens et en touz autres leus ou val de Husies [et] à Chaffoi pour XX livrées de terre que donées nous avoit lidiz cuens ou pois de Salins Et ces devantdites choses nous et nostres hoirs devons tenir doudit conte et de ses hoirs ligemant sauve la feauté au signour de Jou et au signour de Monfacon En tesmoignaige de ceste chose nous avons mis nostre seel en ces presantes lettres en l'an que l'incarnation Nostre Signour corroit per mil CC cinquante et huit ans ou mois de novembre