Charter Document - 02220080
| Charter Number: | 02220080 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1287 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 21 - Tome 1 (p.175) |
Charter:
Nos officialis curie Bisuntine notum facimus universis presentes litteras inspecturis quod in nostra presentia propter hoc personaliter constitutus dominus Willermus de Ceys miles ad hoc in jure et judicio specialiter veniens coram nobis confessus est et publice recognovit se tenere et possidere a nobili viro domino Johanne Cabilonensi domino de Arlato in feodo omnia bona sua que possidet in villa de Chernoy tam in hominibus terris pratis nemoribus aquis furnis molendinis piscariis corveis quam censibus tailliis et aliis juribus et possessionibus recognovitque dictus dominus Vuillermus in jure coram nobis se intrasse homagium dicti domini Johannis pro his omnibus supra dictis In cujus rei testimonium ad requisitionem dicti domini Wuillermi militis sigillum curie Bisuntine presentibus litteris duximus apponendum Datum XII kalendas junii anno Domini MCC octogesimo septimo