Charter Document - 02220066
| Charter Number: | 02220066 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1291 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 21 - Tome 1 (p138) |
Charter:
Nos officialis curie Bisuntine notum facimus universis presentes litteras inspecturis quod coram jurato nostro videlicet Stephano dicto de Foro clerico jurato curie nostre mandato nostro ad hoc a nobis specialiter destinato et cui vices nostras commisimus et committimus in hac parte constitutus Johannes de Ruppe clericus de salneria Salinensi confessus est in jure coram predicto [mandato] nostro et publice recognovit quod idem Johannes recepit et tenet in feodum a nobili viro Johanne de Cabilone domino de Allato quicquid idem Johannes habet habere possit et debet jure hereditario tam paterno quam materno in villa de Quintegney in finagio pertinenciis et appendiciis dicte ville in pratis terris hominibus tailliis angariis perangariis justiciis decimis domibus ortis aquis aquarum decursibus nemoribus pascuis furnis molendinis et rebus aliis quibuscumque quecumque sunt et quibuscumque nominibus et specialiter et expresse partagium seu portionem quod vel quam idem Johannes habuit et habet ratione paternorum et maternorum Recepit inquam et tenet predicta dictus clericus a dicto domino Johanne in feodum pro quindecim libris stephanensium sibi solutis a dicto domino Johanne in pecunia numerata et pro quibusdam vestibus eidem traditis et datis ab eodem domino Johanne que predicta in feodum recepta erant de proprio allodio ipsius clerici prout asseruit coram predicto mandato nostro renuncians In cujus rei testimonium ad preces dicti clerici nobis factas per dictum mandatum nostrum sigillum curie Bisuntine presentibus litteris duximus apponendum Datum die lune post festum beati Ylarii anno Domini MCC nonagesimo