Charter Document - 02220065
| Charter Number: | 02220065 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1281 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 21 - Tome 1 (p.135) |
Charter:
Ego Guillermus domicellus Salinensis filius quondam domini Hugonis dicti Gros militis notum facio universis presentes litteras inspecturis et audituris quod ego non deceptus non coactus vi dolo metu precibus non inductus sed spontaneus promisi et juravi fidelitatem nobili viro Johanni de Cabilone domino de Arlato et suis et intravi homagium suum salva fidelitate domini de Pesmes Cepi autem et capio a predicto viro nobili Johanne in feodum et casamentum de meo proprio allodio medietatem cujusdam quarterii calderie pro indiviso siti in loco dicto Carderata existente Salinis in burgo heredum bone memorie Johannis quondam comitis Burgundie et domini Salinensis denuntians predicto viro medietatem dicti quarterii calderie debere annuatim quatuordecim solidos et sex denarios censuales confitens et dicens in veritate quod predictus vir nobilis Johannes mihi dedit et solvit pro dicto homagio a me sibi facto triginta libras bonorum et expendibilium stephanensium in pecunia numerata et de hiis teneo me plenarie pro pagato Promisi autem et promitto predicto nobili viro Johanni et suis per stipulationem sollempnem et per juramentum meum super sancta Dei ewangelia corporaliter prestitum dictam medietatem dicti quarterii calderie legitime garantire semper et ubique contra omnes et eidem et suis me semper quandocunque necesse fuerit prout mos est dictum feodum renovare et ipsum a se et suis recipere et contra premissa vel aliqua premissorum per me vel per alium non venire nec alicui contravenire volenti consentire clam sive palam tacite vel expresse et contra nichil fecisse vel facere in futurum abrenuncians In cujus rei testimonium ego predictus Guillermus domicellus sigillum venerabilis capituli ecclesie Sancti Anatholii Salinensis presentibus litteris rogavi et feci apponi Actum VI kalendas maii anno Domini MCC octogesimo primo