Charter Document - 02220057
| Charter Number: | 02220057 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | French |
| Charter Origin: | Lay |
| Charter Type(s): | Recognition |
| Date: | 1309 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 21 - Tome 1 (p121) |
Charter:
Nous Symons par la grace de Deu abbes de Baume Girars d'Arguel Huedes de Monferrant Richar de Chastillon Huedes de Toraise Guillermes Li Maires et Pierres d'Usies chevaliers faisons savoir à touz que l'an mil III et IX le vanredi après l'uitaive de la nativité saint Jeham Baptiste à Migetes devant la chapale Nostre Dame à ceu especialment espelez et estaubliz Amiet d'Abbens par devant noble baron mons Jeham de Chalon signour d'Arlay lidiz Amiez recoignut et confessa par devant ledit mons Jeham en nostre presance nous à ce appelez et requis en tesmoignaige par ledit mons Jeham que il tenoit liegemant en fié doudit mons Jehan signour d'Arlay sa fort maison d'Abbens et tout ce que il tenoit ou territoire et en l'appendisse d'Abbens excepté ce que il avoit à Viler Saint George à Bianx à Montantin et à Fourz En tesmoignage de ceste chose nous quant au devantdit monsignour appelez et requis en tesmoins avons mis noz seaux en ces presantes lettres Donné ou leu l'an et jour dessusdit