Charter Document - 02210269
| Charter Number: | 02210269 |
|---|---|
| Cartulary Title: | Recueil des Pancartes de l'Abbaye de la Ferté-sur-Grosne, 1113-1178 |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1162 - 1163 |
| Date type: | Internal, A.D. |
| Resource Link(s): |
Archives départementales de Saône-et-Loire - H 25 (p4) |
Charter:
Omnibus sancte et inviolabilis matris ecclesie filiis notum fieri volumus quod Hugo de Burzei in presentia Joceranni Grossi et uxoris ejus filie scilicet Villelmi Cabilonis comitis in manu domni Villelmi abbatis Firmitatis dedit atque concessit quicquid habebat vel calumpniabatur in molendino de Ravinel et promisit de fratribus suis Stephano atque Bernardo hoc ipsum faciendum et in capitulo Firmitatis cum predictis fratribus suis venturum atque coram conventu monachorum firmius faciendum et sacramento faciendum Quod et fecit In capitulo ipse Hugo et fratres ejus Stephanus et Bernardus venerunt ibique coram monachis ejusdem loci dederunt Deo et sancte Marie de Firmitate et monachis ejusdem loci quicquid habebant vel calumpniabantur in molendino de Ravinel sine ulla retentione et quicquid mater eorum Firmitatis dederat atque in confirmatione juraverunt super altare sancte Marie pacem firmam tenere et tuicionem contra omnes homines in quantum justicia exigerit de medietate scilicet molendini de Ravinel cum pertinenciis et appendiciis ad dictum molendinum tam in bosco in plano in aqua et in aliis cum omni juridictione inter Graunnam et Grisun usque ad limitationes sitas et adjacentes prato dictum Ravinel ac etiam partem meam quam habeo et debeo habere in dicto prato Hujus rei testes Hugo de Stan prior Firmitatis Hugo de Bellomonte Seguinus Gaufridus Artaldus Henricus Ligerius Villelmus Odo Bernardus de Rancei Adam monachi Firmitatis et ceteri monachi ejusdem loci Gaufridus miles de Nantun qui sacramentum accepit Stephanus Pelletarius de Nantun Responsores firme pacis et tuicionis Jocerannus Grossus et uxor ejus filia scilicet Villelmi Cabilonis comitis Testes responsionis firme pacis et tuicionis Valterius decanus Cabilonis Hugo de Croset canonicus Cabilonis Seguinus Jofridus monachi Firmitatis Jocerandus de la Sala Letaldus de Nantun Hugo Beraldus Stephanus de Chavennes Bartholomeus de Montroi Bernardus nepos ejus Hugo Blancus de Cabilone Jocerannus li Velli Notandum vero est quod ex hoc habuerunt tredecim libras Cabilonensis monete et alia multa que ante placitum violenter rapuerunt frumentum et equum unum Hoc autem laudavit soror eorum nomine Juliana et maritus ejus Rodulfus Testes hujus rei Jocerannus de la Sala Lebaldus de Nantun Hugo de Burzei et Stephanus et Bernardus fratres Juliane Valterius qui fuit cellerarius Joceranni Grossi Seguinus monachus Firmitatis Acta sunt ista anno ab incarnatione Domini millesimo CLXII inditione V tempore domni pape Innocencii regnante Lodovico rege Ego Dei gratia Petrus Cabilonis episcopus auctoritate Dei omnipotentis Patris et Filii et Spiritus Sancti et beatorum apostolorum Petrum et Paulum atque sancti Vincencii levite et martiris omniumque sanctorum confirmo ea que continentur in carta ista Si quis ea violaverit alienus a corpore et sanguine Domini nostri Ihesu Christi et a communione sancte ecclesie fiat et excommunicationi in perpetuum subjaceat nisi Deo et fratribus Firmitatis satisfecerit Fiat Fiat Amen