Charter Document - 02210266
| Charter Number: | 02210266 |
|---|---|
| Cartulary Title: | Recueil des Pancartes de l'Abbaye de la Ferté-sur-Grosne, 1113-1178 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1158 - 1159 |
| Date type: | Internal, A.D. |
| Resource Link(s): |
Archives départementales de Saône-et-Loire - H 24 (p76) |
Charter:
Insinuandum est omnibus fidelibus futuris et presentibus quod ego Margarita filia Gualterii domini castri Navilliaci pro salute anime mee patris ac matris omniumque antecessorum meorum do et concedo Deo et sancte Marie de Firmitate et monachis in perpetuum Deo famulantibus in manu scilicet domni Bartholomei abbatis ejusdem loci villam Chiliaci et omnia appendicia ejus in bosco in plano in pratis in aquis in terris cultis et incultis laudante videlicet marito meo Theobaldo de Rocha et quicquid alter tenebat in feodo a predicto marito meo et a me in predicta villa Chiliaci et in appendiciis ejus nichil excipiendo preter venationem in bosco Chiliaci cum proprii canibus et preter ligna ad proprios domos edificandas Addo etiam huic dono quicquid habeo in territorio de Amestei et de Clus et in appendiciis eorundem territoriorum sine ulla retentione Sciendum quoque quod aies in bosco Chiliaci retinui Quod si monachi Firmitatis volunt retrotrahere aies in interiori bosco licenter possunt hoc facere tantum ut in loco earum quas destruxerunt alias aies faciant Hujus rei testes Guillelmus abbas de Maceriis Guido dominus castri de Rocha Hugo Beraldus Rainaldus Aschericus Guido de Nui Guillelmus le Flamens Acta sunt hec omnia anno ab incarnatione Domini MCLVIII regnante rege Lodovico