Charter Document - 02210263
| Charter Number: | 02210263 |
|---|---|
| Cartulary Title: | Recueil des Pancartes de l'Abbaye de la Ferté-sur-Grosne, 1113-1178 |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1166 - 1169 |
| Date type: | Assigned |
| Resource Link(s): |
|
Charter:
Omnibus sancte et inviolabilis matris filiis notum facimus quod Garoldus miles de Frontanai post placitum quod fecerant ei monachi Firmitatis de omnibus quod habebat in territoriis de Chillei et de Amestei et de Clus et de Vigouz cepit calumpniari injuste super placitum quod fecerant ei monachi Monachi vero non ferentes injustam calumpniam presentaverunt justiciam exequi in curia Huonis patrui ducis qui duxerat in conjugio filiam Valterii domini castri Navilliaci laudante etiam Garoldo predicto Data est dies utriusque partis exequendi justiciam Ventum est ad diem in curia predicti Huonis Facta itaque discussione judicatum est ut si monachi haberent testes quod ipsi placitaverant ei concorditer de predictis calumpniis teneret eis pacem Tunc statim affuerunt per quorum manus ipse placitum et pacem fecerat cum monachis scilicet Karolus decanus de Neblas Vido dominus castri Virduni qui et compositores placiti inter monachos et ipsum Garoldum fuerunt et contestati sunt quod monachi dederunt ipsi Garoldo trecentos solidos et ipse Garoldus dedit monachis quicquid habebat in territoriis de Chillei et de Amestei et de Clus et de Vigouz sine ulla retentione in bosco in plano in aqua nichil excipiendo et pro decima quam ipse calumpniabatur injuste dederunt ei unum equum Hujus rei testes Huo patruus ducis Stephanus de Neblas dominus castri ejusdem Vido dominus castri Virduni Karolus decanus Robertus capellanus de Longapetra Galterius de Bozulenges prepositus Navilliaci Poncius major de Monz Villelmus Firmitatis abbas Sofridus monachus ejusdem loci Durannus magister grangie conversus