Charter Document - 02210229
| Charter Number: | 02210229 |
|---|---|
| Cartulary Title: | Recueil des Pancartes de l'Abbaye de la Ferté-sur-Grosne, 1113-1178 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1150 |
| Date type: | Assigned |
| Resource Link(s): |
Archives départementales de Saône-et-Loire - H 25 (p70) |
Charter:
Notum sit omnibus futuris et presentibus quod ego Jocerannus de Digonia apud Firmitatem in manu domni Bartholomei abbatis ejusdem loci coram monachis ipsius Willelmo videlicet de Tolun et Bernardo de la Sala ac Jofrido de Turre presente etiam Anselmo milite de Sancto Albino ob remedium anime mee et uxoris ac filiorum et omnium antecessorum nostrorum dedi et concessi Deo et sancte Marie de Firmitate et monachis ejusdem loci quicquid habebam a chimino qui venit de Charmeia et tendit apud Senvineum castrum in sursum usque ad chiminum qui est super la Valletam quantumcumque prefati monachi adplanare in eodem territorio poterunt ad pratum faciendum vel quicquid ibidem jam adquisierunt Ibi et in aliis etiam locis de casamento meo quicquid adquirere potuerint fideliter et devote concessi eis tam in bosco quam in plano tantum ne hominium meum amittam Hoc donum laudavit uxor mea neptis Willelmi comitis Cabilonis et duo filii nostri Jocerannus videlicet et Guichardus et filia nostra Aalis apud Digoniam in camera mea coram duobus monachis de Firmitate Willelmo de Tolun et Hugone de Stagnis Hujus rei testes Silvester capellanus de Digonia Petrus miles de Chacei Atto miles de Choperi Jocerannus miles de Choperi Anselmus miles de Juvencei Pelerinus cellerarius meus et Bernardus Pelletarius