Charter Document - 02210228
| Charter Number: | 02210228 |
|---|---|
| Cartulary Title: | Recueil des Pancartes de l'Abbaye de la Ferté-sur-Grosne, 1113-1178 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1145 - 1162 |
| Date type: | Assigned |
| Resource Link(s): |
Archives départementales de Saône-et-Loire - H 25 (p70) |
Charter:
Notum sit omnibus tam futuris quam presentibus quod ego Hugo de Turre dedi Deo et sancte Marie de Firmitate et monachis ejusdem loci territorium scilicet de la Fotgis a prato Mailet in sursum usque ad terram Ville Communalis quicquid in dominium habebam et quoddam mulnarium et terram que subtus ad pratum faciendum Hoc autem donum designavi domno Bartholomei abbati de Firmitate et monachis ejusdem loci Andree videlicet cantoris et Hugoni de Stagno coram Gaufredo filio meo et Roberto Gunterio et Otberto de Grueri et aliis quam pluribus Addidi etiam huic dono omnes usus necessarios in omni terra mea in bosco et in plano et ad pastus omnium animalium suorum Hoc autem donum quod predictum est confirmavi coram Joceranno de Digonia a quo tenebam predictam terram in feodo qui hoc donum laudavit et coram Guillelmo comite Cabilonis et Girardo de Digoni et Lebaudo fratre ejus et Roberto de Charmei et Oberto clerico de Charmeia et aliis quam pluribus Quando vero Gaufridus filius meus venit ad conversionem dedi antefatis monachis Firmitatis quicquid habebam apud Rimunt preter quatuor nummos censuales Sed et quando Guido filius meus venit ad conversionem dedi sepe fatis monachis Firmitatis quandam partem territorii de Moreres sicut vadit via que venit de la Valleta per fontem Loet apud Chermeiam per medium frestum usque a la Fogiam Hoc autem totum quod predictum est dedi Deo et sancte Marie de Firmitate et monachis ejusdem loci pro salute anime mee et uxoris mee atque filiorum meorum omniumque antecessorum nostrorum Sciendum vero quia quicquid in hac carta dictum est laudavit uxor mea Juliana et filii mei Hugo et Joceranz et quando veni ad conversionem apud Firmitatem in Monte Sancti Vincentii uxor mea et filii mei promiserunt tenere in manu Girardi de Digoni hanc divisionem et aliam quam feci inter eos coram Guillelmo sacerdote de Monte Sancti Vincentii et Rodulfo de Mercato Notandum vero quia postea venerunt filii mei apud Firmitatem in die videlicet ascensionis Domini atque eadem die in capitulo coram cunctis fratribus ejusdem loci tam monachis quam laicis laudaverunt quicquid Firmitati dederam atque in confirmatione posuerunt librum in manu domni Bartholomei abbatis